Qo‘rquvni yengish uchun nima qilish kerak?
Javob juda oddiy: qochmaslik kerak.
Inson o‘z qo‘rkuvini yengishi va unga xilof ravishda ta’lim olish uchun navbatdagi qadamini tashlashi kerak, keyin yana bir qadam, yana. U butunlay dahshatga tushgan bo‘lishi, biroq to‘xtamasligi kerak.
Qoida shunday. Va shunday kun keladiki, uning birinchi dushmani chekinadi. Inson o‘ziga nisbatan ishonchni his qiladi. Uning intiluvchanligi mustahkamlanadi. O‘rganish endi qo‘rqinchli ish bo‘lmay quyadi. Ana shu kun kelganda inson hech ikkilanmay o‘zining azaliy dushmanini yengganligini aytishi mumkin.
Deyarli xar bir kishi nimadandir qo‘rkadi. Kasal bo‘lish va o‘lishdan, pul yo‘qotishdan, uni kimdir urishi yoki o‘ldirishidan, sevimli kishisi tashlab ketishidan qo‘rqadi.
Qo‘rkuv odamni doimiy taranglikda ushlab turadi, uning harakat qilishiga imkon bermaydi. Bu ham yetmaganday, qo‘rkuv haqidagi fikrlar doimiy ravishda miyada aylanib, tom ma’noda shunday vaziyatlarni tortib oladi. Odamga xavf tahdid qilganda uning qoniga ko‘pgina gormonlar otilib chiqib, tomir urishini tezlashtiradi, qon bosimini oshiradi, yurak muskullarining qisqarishini kuchaytiradi, metabolizmni tezlashtiradi, mushaklarda taranglikni xosil kiladi.
Qo‘rkuvdan xalos bo‘lmokchi bo‘lsangiz, ishonishni o‘rganing.
Bu dunyodagi xamma narsaga: o‘zingizga, odamlarga,voqealarga
ishonishni. Biroq birinchi navbatda o‘z ichki Kuchingizga ishonishni o‘rganing. Esda tuting – siz o‘z olamingizni o‘zingiz yaratasiz. Va bu olam – Koinotdagi eng xavfsiz joy. O‘z xayotingiz uchun javobgarlikni zimmangizga oling. Sizning olamingiz sizning fikrlaringizga boglik. O‘zingizni Koinotdagi eng himoyalangan mavjudot deb xis kiling.
O‘rab turgan olamdan faqat yaxshilik kuting. Mana bu fikr ongingizdagi eng muhim fikrlardan biri bulsin:
«Men o‘zimni yaratgan Kuch bilan bir butunman. Men – xavf-xatardan butunlay holiman. Men o‘z Ichki Kuchimga ishonaman va ruxiy xotirjam- likka erishaman»
Jizzax davlat pedagogika instituti psixologi S.Nomozov
