Jizzxa davlat pedagogika universiteti Maktabgacha ta’lim fakulteti, “Maktabgacha ta’lim metodikasi” kafedrasi tomonidan tashkil etilgan “O‘zbekiston va xorijda maktabgacha ta’lim: kecha, bugun va ertaga” mavzusida Xalqaro ilmiy-nazariy anjumanda O‘zbekiston Respublikasi maktabgacha ta’lim vaziri maslahatchisi p.f.d.prof. K.J.Riskulova, Oliy va o‘rta maxsus ta’lim vazirining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi p.f.d. prof. O.R.Jamoldinova,
Jizzax shahar 32-sonli DMTT direktori D.N.Jabborova, Ukraina milliy akademiyasi pedagogika instituti psixologiya fanlari doktori Chudakova Vera Petrovna, Belarusiya Respublikasi Baranovich davlat universiteti pedagogika va psixologiya fakulteti maktabgacha va boshlang‘ch ta’lim kafedrasi mudiri p.f.n. dots. Dubeshko Natalya Grigorevna, O‘zPFITI direktori Pedagogika fanlari doktori, professor I.X.Ibraimovlar o‘z ma’ruzalari bilan ishtirok etishdi.
Anjumanda 321 nafar olimlar o‘zlarining ilmiy maqolalari bilan qatnashdi. Shundan, xorijiy davlatlardan – 41 ta ,O‘zbekiston Oliy ta’limidan – 61 ta, Jizzax Davlat pedagogika universitetidan – 154 ta maqola, Jizzax va boshqa viloyat Maktabgacha ta’lim tashkilotidan – 65 ta maqola xalqaro ilmiy anjumanga taqdim etildi. Anjumanda Bolalarni ijtimoy-hissiy, jismoniy rivojlantirish va sog‘lom turmush tarzini shakllantirish texnologiyalari, Tarbiyalanuvchilarda nutq, muloqot, o‘qish va yozish ko‘nikmalarini shakllantirish metodlari va ijodkorlikni rivojlantirish, Mahalla, oila va MTT hamkorligida bolalarni maktabga tayyorlash tizimini takomillashtirish, Davlat maktabgacha ta’lim tashkilotlari va nodavlat MTTlarini boshqaruvida integrativ yondashuv, O‘zbekiston va xorijda maktabgacha ta’lim islohatlari mavzularida ma’ruzalar tinglandi. Fikr mulohazalar bildirildi.
“O‘zbekiston va Xorijda maktabgacha ta’lim: kecha, bugun va ertaga” mavzusidagi Xalqaro ilmiy-nazariy anjuman ko‘tarinki ruhda o‘tkazildi.
Manzura Norqo‘zieva tayyorladi.
