#O‘qishni_ko‘chirish_jarayoni

A.Qodiriy nomidagi  Jizzax davlat pedagogika institutida o‘qishni ko‘chirib hujjatlarni olib ketish uchun  kelgan talabalarga  institutning “Talabalar bo‘limi” xizmat ko‘rsatmoqda. Joriy  yilning 13 sentabridan beri respublikamizdagi boshqa oliygohlarga o‘qishini ko‘chirgan talabalar institutning “Talabalar bo‘limi” orqali o‘z hujjatlarini olib ketishmoqda. “Talabalar bo‘limi” ning bergan ma’ulmotlariga ko‘ra  bugundan ya’ni  17 sentabr  kunidan tartibsizliklarga barham berilib, murojaatchilar uchun qa’ttiy tartib o‘rnatildi. Unga ko‘ra har bir talaba  arizani topshirish jarayonida o‘ziga tegishli  raqamli talonni oladi.  Talon bilan o‘z arizalarini topshirgan  talabalar ro‘yxati e’lonlar taxtasiga qo‘yiladi. Tartib-intizomni saqlash, shaffoflikni ta’minlash, turli tushunmovchiliklarga barham berish maqsadida Milliy gvardiya xodimlari ham jalb qilingan. Belgilangan nizomga ko‘ra talaba  3 kun muddat ichida o‘ziga tegishli raqamlashtirilgan talon bilan ro‘yxatda ko‘rsatilgan vaqtda kelib  o‘z hujjatini olib ketadi.