Joriy yilning 3-5 sentabr kunlari Jizzax davlat pedagogika institutining  Boshlang‘ich ta‘lim fakul’teti  talabalari uchun “Sen –qudrat manbai, saodat maskani, jonajon O‘zbekistonim!” shiori ostida “Mustaqillik dars”lari onlayn tashkil etildi.

Fakul’tet o‘qituvchilaridan Sh.Siddiqova, E.Nasrullayev va B.Boltayevalar ma’ruzalari bilan ishtirok etib, o‘zlarining tilaklari, dil izhorlari bilan talabalarni tabriklashdi. Talabalarga mustaqil O‘zbekistonimizning hozirgi kunigacha bosib o’tgan tarixini turli videolar, slaydlar va ma‘ruzlar orqali etkazildi. 2-bosqich talabalaridan G.Musurmonova, Sh.Inatova, D.Tusunmurodovalar  o‘zlarining she‘r, qo‘shiq va tabrik so‘zlarini aytib ustozlari va tengdoshlarini tabrikladi. 4-bosqich talabalaridan ham M.Murodova, U.Karimovalar mustaqilligimizning 29 yilligi bilan tabriklab, yangi o‘quv yilida ulkan muvaffaqiyat va zafarlar tiladi. Tashkil etilgan mustaqillik darslari juda qiziqarli va bahs – munozarlarga boy tarzda o‘tkazildi.