O‘zbekiston Boks Federatsiyasi, Jizzax viloyati “Temuriylar izdoshi“ xarbiylashgan maktab, hamda Jizzax davlat pedagogika instituti hamkorligida tashkillashtirilgan “Kim yurtiga sodiq bo‘lsa mendirman o‘sha!” shiori ostida bo‘lib o‘tgan tadbirda so‘zga chiqqan Jizzax davlat pedagogika instituti rektori Sh.Sharipov  “Temuriylar izdoshi” harbiylashgan maktab faoliyati, uning bugungi kunda qo‘lga kiritayotgan yutuqlari haqida so‘z yuritib, ular bilan doimiy hamkorlik qilishdan mamnun ekanligini ta’kidlab o‘tdi. Shuningdek institut rektori o‘z so‘zida mamlakatimiz sharafini dunyolarga tanitayotgan mashhur bokschilarimiz va sportchilarimizning qo‘lga kiritayotgan zafarlari haqida to‘xtalib, talaba yoshlarimizni ulardan o‘rnak olishga chaqirdi.

Tadbirni sportchilarning chiqishlari va o‘zlari haqidagi ma’lumotlar berilgan savol javob qismida yoshlar o‘zlarini qiziqtirgan barcha savollarga javob olishdi. Tadbirga yosh sportchilar va harbiylarning sahnaviy ko‘rinishlari va chiqishlari yakun yasadi.