Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tashabbusi bilan oliy ta’lim muassasalari talaba-yoshlari o‘rtasida o‘tkazilgan “Amir Temur vorislari” harbiy-sport musobaqasining respublika final bosqichi Jizzax davlat pedagogika universiteti mezbonligida tashkil etildi.

Musobaqaning yakuniy bosqichida mamlakatimizning 15 ta oliy ta’lim muassasasidan tashrif buyurgan kuchli jamoalar g‘oliblik uchun kurash olib bordi.

Bellashuvlar Nizom talablari asosida 100 metrga yugurish, joyidan turib uzunlikka sakrash, turnikda tortilish hamda granata uloqtirish kabi harbiy-sport yo‘nalishlarida o‘tkazildi.

Tadbirning tantanali taqdirlash marosimida Oliy ta’lim, fan va innovatsiyalar vazirligi vakillari, universitet rahbariyati, professor-o‘qituvchilar hamda barcha ishtirokchi jamoalar vakillari qatnashdi.

Yakuniy natijalarga ko‘ra:

1-o‘rin — Guliston davlat pedagogika instituti jamoasi

2-o‘rin — Andijon davlat universiteti jamoasi

3-o‘rin — Buxoro davlat universiteti jamoasi

G‘olib va sovrindor jamoalar Oliy ta’lim, fan va innovatsiyalar vazirligi tomonidan I, II va III darajali diplomlar hamda qimmatbaho sovg‘alar bilan taqdirlandi.