Jizzax davlat pedagogika universitetida qo‘lga kiritilayotgan yutuqlar va xalqaro aloqalar tobora kengaymoqda desak xato qilmagan bo‘lamiz. Bugun universitetda Ajdu universiteti (Janubiy Koreya) hamda Jizzax Sejong koreys tili markazi vakillari bilan muhim uchrashuv bo‘lib o‘tdi.

Tadbirda Ajdu universiteti Koreys filologiyasi va menejmenti hamda Ingliz filologiyasi va menejmenti fakultetlari dekani Pak Sang Voo, Jizzax Sejong koreys tili markazi menejeri Kim Hyong Jong va universitet rektori Maqsudjon Yuldashev ishtirok etdilar.

Uchrashuv chog‘ida qator muhim masalalar muhokama etildi. Jumladan:

• Sejong markazi faoliyatini yanada rivojlantirish va yangi loyihalar yo‘lga qo‘yish;

• Universitetimizda tashkil etilgan koreys tili yo‘nalishi samaradorligini oshirish;

• Koreyalik mutaxassislarni ta’lim jarayoniga jalb etish;

• Professor-o‘qituvchilarimiz uchun Janubiy Koreya oliygohlarida stajirovka dasturlarini yo‘lga qo‘yish. Bu muloqot nafaqat universitetimiz xalqaro nufuzini oshiradi, balki talabalarimizga yangi imkoniyatlar eshigini ham ochadi. Chunki Koreya tajribasini o‘rganish va mutaxassislar bilan bevosita hamkorlik qilish orqali ta’lim sifatini yanada yuksaltirish mumkin.