Jizzax davlat pedagogika universiteti rektori Maksudjon Yuldashev Abdullayevich boshchiligidagi delegatsiya AQShning Georgia shtatida joylashgan University of Georgia universitetida tashrif davomida ushbu universitetning Global Engagement Office (Xalqaro hamkorlik bo‘limi) vakillari bilan uchrashuv o‘tkazdi.
Uchrashuv davomida tomonlar o‘rtasida ta’lim, ilmiy tadqiqot va akademik almashinuv sohalarida hamkorlikni kengaytirish masalalari muhokama qilindi.
Xususan, ikki oliygoh o‘qituvchilari va talabalari uchun almashinuv dasturlarini yo‘lga qo‘yish, qo‘shma ilmiy loyihalarni amalga oshirish, hamda TESOL va ta’lim texnologiyalari sohalarida o‘zaro tajriba almashish imkoniyatlari haqida kelishib olindi.
Shuningdek, uchrashuvda University of Georgia vakillari Jizzax davlat pedagogika universitetining xalqaro faoliyati, ta’lim sifati va so‘nggi yillarda amalga oshirilayotgan islohotlar bilan tanishdilar.
Ular O‘zbekiston oliy ta’lim tizimidagi ijobiy o‘zgarishlarni yuqori baholab, kelgusida qo‘shma dasturlar va malaka oshirish kurslarini tashkil etish bo‘yicha aniq takliflarni bildirdilar.
Mazkur uchrashuv ikki universitet o‘rtasidagi aloqalarni yanada mustahkamlash, o‘zaro tajriba almashish va xalqaro ilmiy hamkorlikni chuqurlashtirish yo‘lida muhim qadam bo‘ldi.
