Davra suhbatini Jizzax viloyati Sil dispanseri katta shifokori Z.Rasulmatova ochib berdi va olib bordi. Z.Rasulmatova o‘z nutqida Sil kasalligi tarixi, kelib chiqish sabablari, klinikasi, profilaktikasi hamda davolash yo‘llari haqida gapirdi. Jumladan, sil kasalligi juda xavfli, yuqumli kasalliklardan biri ekanligini, undan xalos bo‘lish uchun oylab, yillab davolanib yurish kerakligini talabalarga tushuntirib o‘tdi. Sil kasalligi ayniqsa, tug‘ish yoshdagi ayollar, immuniteti past kishilarga, qandli diabet kasalligi bor kishilarga tez va oson yo‘l bilan yuqishini ta’kidladi.
Shuningdek, sil kasalligi xavo tomchilari orqali, bir xonadonda ushbu kasallikka chalingan bemorlar bilan yashash sharoitida, shaxsiy gigienaga rioya qilmagan hollarda yuqishini aytib o‘tdi. Davra suhbati davomida so‘z olganlar, Respublika Salomatlik va tibbiy statistika instituti Jizzax filiali katta shifokori Z.Sattorova, o‘rta tibbiy xodimi M.Buxorovalar ham ushbu kasallik haqida yig‘ilganlarga o‘zlarining tushunchalarini berib o‘tdilar.
Yuqoridagi ma’ruzalardan so‘ng, talabalarning bugungi ma’ruzadan olgan bilimlarini sinash maqsadida anketa so‘rovnomalari o‘tkazildi. Va talabalar tomonidan berilgan savollarga ma’ruzachilar atroflicha javoblar berishdi.
Savol-javoblardan so‘ng, sil kasalligi tarixi va kelib chiqish sabablari, yurtimizda ushbu kassalikning oldini olishga qaratilgan chora-tadbirlar to‘g‘risida videorolik namoyish etildi. Talabalar ushbu kasallik haqida yetarlicha ma’lumotga ega bo‘ldilar.
