Har yilgi an’anaga muvofiq, universitet rahbariyati va kasaba uyushmasi qo‘mitasi tashabbusi bilan Yangi yil arafasida jamoada uzoq yillar davomida fidokorona mehnat qilgan va ta’lim-tarbiya sohasiga beqiyos hissa qo‘shgan faxriy ustozlar holidan xabar olindi. Ularning uylariga tashrif buyurilib, samimiy suhbatlar o‘tkazildi, salomatliklari va kayfiyatlari so‘raldi.
Tashrif davomida faxriy ustozlarga universitet jamoasi nomidan samimiy tilaklar bildirilib, ularning ko‘p yillik samarali mehnati, boy tajribasi va yosh avlod tarbiyasidagi o‘rni alohida e’tirof etildi. Shuningdek, Yangi yil munosabati bilan esdalik sovg‘alari topshirildi, bu e’tibor va g‘amxo‘rlik ustozlarda iliq taassurot qoldirdi.
Bunday ezgu tashabbuslar faxriy ustozlarga bo‘lgan hurmat va qadr-qimmatni mustahkamlab, avlodlar o‘rtasidagi uzviylikni kuchaytiradi hamda universitet jamoasida hamjihatlik va insoniylik tuyg‘ularini yuksaltiradi.
