Jizzax davlat pedagogika universitetida Sejong universitetining WFK IT ko‘ngillilar guruhi hamda JDPU talabalari ishtirokida madaniy almashinuv dasturi tashkil etildi.
Tadbir davomida ishtirokchilar Koreya madaniyati va milliy an’analari bilan yaqindan tanishib, koreys taomlarini tayyorlash jarayoni namoyish etildi. Shuningdek, JDPU talabalari tomonidan o‘zbek milliy madaniyati va musiqiy an’analarini aks ettiruvchi badiiy dastur taqdim etildi.
Mazkur tadbir ikki mamlakat yoshlari o‘rtasida madaniyatlararo muloqot, do‘stlik va o‘zaro hurmatni yanada mustahkamlashga xizmat qildi.
Dastur yakunida IT, sun’iy intellekt va Koreya madaniyati yo‘nalishlaridagi mashg‘ulotlarni muvaffaqiyatli tamomlagan JDPU talabalariga sertifikatlar tantanali ravishda topshirildi.
