Jizzax davlat pedagogika universitetida 2025/2026 o‘quv yili bitiruvchilari uchun yakuniy davlat attestatsiyasi sinovlari, bitiruv malakaviy ishlari va magistrlik dissertatsiyalari himoyalari tashkil etildi.

Joriy o‘quv yilida universitetning 26 ta bakalavriat ta’lim yo‘nalishi va 19 ta magistratura mutaxassisligi bo‘yicha jami 5029 nafar bitiruvchi attestatsiya jarayonlarida ishtirok etmoqda.Yakuniy davlat attestatsiyasi jarayonlari 2026-yil 11-iyundan 19-iyunga qadar davom etadi.

Attestatsiya sinovlari har kuni ikki smenada — soat 08:30 va 15:00 da universitetning belgilangan auditoriyalari va amaliyot maydonlarida o‘tkazilmoqda.Bitiruv malakaviy ishlari hamda magistrlik dissertatsiyalari himoyalari universitetning tegishli auditoriyalarida amaldagi me’yoriy-huquqiy hujjatlar talablari asosida tashkil etilgan.

Jarayonlarning ochiqligi va shaffofligini ta’minlash maqsadida attestatsiya sinovlari to‘liq onlayn videokuzatuv ostida tashkil etilib, jonli efir orqali translyatsiya qilinmoqda.

Shaffoflik va ochiqlikni ta’minlash maqsadida barcha sinovlar onlayn videokuzatuv ostida o‘tkazilib, jonli efir orqali translyatsiya qilinmoqda.