Adabiy kechani ijtimoiy fanlar kafedrasi o‘qituvchisi F.Abdusamadov kirish so‘zi bilan ochib berdi. U o‘z nutqida o‘zbek xalqining tarixi, buyuk ajdodlarimiz, allomalarimiz haqida bugungi yoshlarning ularga munosib voris bo‘lishi lozimligi to‘g‘risida so‘z yuritdi.
Bugungi adabiy kechamiz shunday allomalarimizdan biri Zahiriddin Mirzo Bobur tavalludining 534-yilligi munosabati bilan o‘tkazilayotgani haqida aytib, barchani boshlang‘ich ta’lim yo‘nalishi 206-guruh tomonidan tashkillashtirilgan kechani tomosha qilishga chaqirdi.
Shundan so‘ng, sahnalashtirilgan kecha dastur asosida namoyish etildi. Kecha davomida dastlab, Mirzo Boburning hayoti haqida ma’lumot berildi. Keyin talabalar tomonidan Boburning ruboiy va g‘azallaridan namunalar o‘qildi.
Navbat Bobur g‘azali asosida yaralgan qo‘shiqqa yetib keldi. Sahna ko‘rinishi Muhammad Shayboniyxon tomonidan Samarqand qamali paytida Boburga qo‘ygan sharti paytida Bobur va Xonzodabegim o‘rtasida tortishuvli holat, nochor vaziyatda kolganligi badiiy mahorat bilan ko‘rsatib berildi. Adabiy kecha yakunlovchi qismini tadbirni tashkillashtirgan kafedra o‘qituvchisi F.Abdusamadov xulosa so‘zini aytib, guruhga minnatdorchilik bildirgan holda yopib berdi.
