Jizzax davlat pedagogika universitetida Janubiy Koreyaning Kyungwoon University bilan hamkorlikda tashkil etilgan “Global Citizenship Workshop” xalqaro seminar-treningi o‘z ishini muvaffaqiyatli yakunladi.
Seminar-trening yakunida ishtirokchilar tomonidan global fuqarolik, yoshlar ovozi va barqaror rivojlanish masalalariga bag‘ishlangan majoziy mazmunga ega Qo‘shma deklaratsiya ishlab chiqildi. Ushbu hujjat yoshlarning mas’uliyatli fuqarolik pozitsiyasi, jamiyat va ta’lim o‘rtasidagi uzviy bog‘liqlikni ifodalovchi muhim tashabbus sifatida e’tirof etildi.
Yakuniy yopilish marosimi universitetning Ilmiy ishlar va innovatsiyalar bo‘yicha prorektori A. Jabbarova hamda Xalqaro hamkorlik bo‘limi tashabbusi va ishtirokida tashkil etildi. Tadbirda seminar davomida faol qatnashgan talabalarning sa’y-harakatlari e’tirof etilib, ularga Jizzax davlat pedagogika universiteti va Kyungwoon University tomonidan berilgan qo‘shma sertifikatlar tantanali ravishda topshirildi.
Mazkur seminar-trening ikki universitet o‘rtasidagi xalqaro akademik hamkorlikni mustahkamlash, yoshlarning ilmiy-amaliy va fuqarolik kompetensiyalarini rivojlantirish yo‘lida muhim qadam bo‘ldi.
