Jizzax davlat pedagogika universitetida “Talaba – yugur” ommaviy sport musobaqasiga tayyorgarlik ishlari qizg‘in tarzda olib borildi.
O‘zbekiston yengil atletika federatsiyasi xodimlari tomonidan ishtirokchilarga maxsus raqamlar va elektron chiplar tarqatildi.
Bugungi kunga qadar 1000 nafardan ziyod talaba perfend.com elektron platformasi orqali ro‘yxatdan o‘tgan bo‘lib, ularning barchasiga qatnashish uchun zarur jihozlar yetkazildi.
Shuningdek, dastlabki 500 nafar ro‘yxatdan o‘tgan ishtirokchilarga motivatsiya maqsadida kepka, futbolka va sumkalar taqdim etildi.
Ular orasida 234 nafar JDPU talabasi ham bor. Qolgan ishtirokchilarga esa maxsus chiplar tarqatildi.
Eslatib o‘tamiz, musobaqa 7-aprel kuni soat 07:00 da start oladi va 3 kilometr masofaga yugurishda barcha oliy ta’lim muassasalari talabalari ishtirok etadi.
