Eng namunali va ibratli oila
2018-yil 14-may kuni jizzax viloyati Sharof Rashidov tumani hokimligining majlislar zalida 15-may “Xalqaro oila kuni” munosabati bilan A. Qodiriy nomidagi JDPI ma’naviy-ma’rifiy bo’limi, xotin-qizlar qo’mitasi boshlang’ich tashkiloti hamda Jizzax tumani barcha mahallalari hamkorligida “Eng namunali va ibratli oila” ko’rik tanlovi o’tkazildi. Ko’rik tanlovda Sharof Rashidov tumani hokim o’rinbosari E. Meliyeva, Sharof Rashidov tumani “Oila” ilmiy-amaliy markaz rahbari D. Saidova, Sharof Rashidov tumaniga qarashli barcha mahalla faollari, F. Qo’shnazarov, D. Ochilov, Z. Abduvaliyeva Sharof Rashidov tumanida istiqomat qiluvchi 30 nafarga yaqin talabalar ishtirok etdi. Ko’rik tanlovda Sharof Rashidov tumani, “Eski Toshkentlik” mahallasi, Qassoblik ko’cha 28-uyda yashovchi Abdulhamid Abduvaliyevlar oilasi o’z ijodiy ishlari, oilaviy faoliyati, mahalladagi obodonlashtirish, yoshlar tarbiyasi, oilalardagi kitobxonlik madaniyati, har bir oiladagi tomorqalarning obodonlashtirish ishlari, farzandlar tarbiyasi va yoshlar tarbiyasida ota-onaning burch va vazifalari to’g’risidagi ko’rgazmalari, o’tkazilgan tadbir va davra suhbatlaridan namunalari bilan ishtirok etib, tanlovning “Ziyoli oila” naminatsiyasini qo’lga kiritdi. Ular tadbir homiylari tomonidan diplomlar va qimmatbaho sovg’alari bilan taqdirlandilar.
