2025-o‘quv yilida Yaponiya hukumati hamda Yaponiyaning Nagoya shahar va Nagoya iqtisodiyot universitetlari tomonidan mazkur davlat oliy ta’lim muassasalarida tahsil olish, ilmiy tadqiqotlar olib borish uchun stipendiya tanlovini e’lon qiladi.

Ma’lumotga ko‘ra, nomzodlar respublika OTMlari o‘qituvchilari, ilmiy xodimlari, doktorantlari, magistrantlari, talabalari qatoridan bo‘lishlari va muayyan talablarga javob berishlari lozim hamda ular hujjatlar natijalari asosida tanlab olinadilar.

Ushbu tanlovda (magistratura, doktorantura) ishtirok etish istagida bo‘lgan nomzodlar arizalar va barcha zarur hujjatlarni ilova qilingan holda, onlayn tarzda taqdim etishlari kerak. Hujjatlarga ularning ingliz yoki yapon tillariga notarial tasdiqlangan tarjimasi ilova qilinishi kerak.

Mazkur stipendiya dasturlari to‘g‘risidagi batafsil ma’lumot, shartlari va zarur hujjatlar ro‘yxati bilan quyidagi veb-sahifalarda tanishish mumkin:

https://www.pref.aichi.jp/soshiki/kokusai/aichi-scholarship-program.html;

https://admissions.g30.nagoya-u.ac.jp/admissions/graduateprograms;

https://www.nagoya-cu.ac.jp/english/study/information/scholarships/