Jizzax davlat pedagogika instituti Axborot – resurs markazida so‘z mulkining sultoni A. Navoiy tavalludining 580 yilligiga bag‘ishlab “Buyuk shoirga ehtirom” nomli shoir ijodidan adabiyotlar ko‘rgazmasi bo‘lib o‘tdi.
Tadbirga institut professor – o‘qituvchi va talabalari, “Yoshlar bilan ishlash” bo‘limi xodimlari, Axborot – resurs markazi xodimlari, G‘allaorol tuman 42 o‘rta umumta’lim maktab o‘qituvchi va o‘quvchilari, viloyat ko‘zi ojizlar kutubxona xodimlari ishtirok etishdi.
Ulug‘ bobokolonimiz hazrati Navoiy ijodiga oid adabiyotlar ko‘rgazmasida Axborot – resurs markazi yetakchi mutaxassisi S. Isroilova shoir ijodidagi adabiyotlarni tanishtirish bilan bir qatorda ular haqidagi qiziqarli ma’lumotlarni ham aytib o‘tdi. Tadbir so‘ngida shoir va mutaffakir A. Navoiy hayoti va ijodiga oid videolavha namoyish etildi.
