Assalomu alaykum qadrli yurtdoshlar!
Yaratganning har bir ne’mati o‘zining qadru qimmatiga ega. Vatan ozodligi, Mustaqillik ne’matining qimmatini hech bir narsa bilan qiyos etib bo‘lmaydi.
Mana shu yurt farzandi ekanmiz, zimmamizdagi eng mas’uliyatli, eng ulug‘ vazifa shuki, Vatan ozodligini, Mustaqillikni asrab avaylash.
Barcha orzularimizga qanot bo‘lgan Mustaqillik tushunchasi bugun tom ma’noda davlat va xalq birligini ta’minlashga qodir mafkura bo‘lib shaklandi. O‘z bilimi va mustaqil qarashlariga ega har bir yurtdoshimiz bugun haqli ravishda o‘z taqdirini mamlakat istiqboli bilan chambarchas bog‘liq holda tasavvur etadi.
Bu esa asrlar davomida milliy davlatchilik va xalqona qadriyatlarga beshik bo‘lgan Ona Vatanimiz O‘zbekistonning istiqlol quyoshi abadiy porlab, dunyoga charog‘on nur sochib turishidan darakdir.
Mustaqilligimizning 30 yillik bayrami barchangizga muborak bo‘lsin.
Yangi O‘zbekistonda erkin va farovon yashaylik!
Jizzzax davlat pedagogika instituti rektori Sh.S.Sharipov
