“Tadqiqotchilik va kreativ sa’y-harakatlarni qo‘llaymiz” mavzusidagi 10-Xalqaro Talabalar Simpoziumi ochilish qismida qator xorijiy oliy ta’lim muassasalari va yurtimiz universitetlaridan tashrif buyurgan yosh tadqiqotchi-olimlar so‘zga chiqishdi.

Tadbirda Ozarbayjonning Naxchevan davlat universiteti rektori, professor Elbrus Saleh o‘g‘li, Qozog‘istonning Sherxon Murtazo nomidagi Xalqaro Taraz innovatsion universiteti rektori Mahmedgali Saribekov, shuningdek Samarqand davlat universiteti professori Zarifa Mo‘minova kabi nufuzli olimlar ishtirokchilarni qutlab, simpozium ishiga omad tiladilar.

Xorijiy va mahalliy mutaxassislar ishtirokining simpoziumda ilmiy muloqot, tajriba almashish va xalqaro hamkorlikni yanada rivojlantirishga xizmat qilishi alohida ta’kidlandi.