1 oktabr – O‘qituvchilar va murabbiylar kuniga bag‘ishlab “Ustozlarga ehtirom” deb nomlangan ma’daniy-ma’rifiy tadbir bo‘lib o‘tdi.
Jizzax davlat pedagogika instituti rahbariyati tashabbusi bilan tashkil etilgan tadbirda oliy ta’limda ko‘p yillar mehnat qilgan, ta’lim tizimining rivojiga o‘zining munosib hissasini qo‘shgan 30 dan dan ziyod faxriy o‘qituvchilar, oliygoh professor o‘qituvchilari ishtirok etdi.
Dastlab,tadbirda so‘zga chiqqan prfessor Hamid Meliev Jizzax davlat pedagogika institutida uzoq yillar samarali va ibratli mehnatlari bilan ismi-shariflari tarix zarvaraqlariga bitilgan ustoz-muallimlar xotirasi haqida so‘z yuritdi.
Ustozlar butun umrini shogirdlari tarbiyasi, kamol topishi yo‘liga bag‘ishlaydi. Shogirdlarining yutuqlaridan quvonadi, kamchiliklaridan kuyunadi. Har bir o‘qituvchi umri davomida shogirdlariga ilm o‘rgatishga tirishadi, saboq, tarbiya beradi. Zimmasidagi yukni, mas’uliyatni chuqur his qilgan holda mazmunli va mashaqqat ila mehnat qiladi. Shunday kunlarda faxriy ustozlarni yo‘qlash, har bir shogird uchun ham qarz, ham farz. Tadbirda faxriy ustozlarg institut rahbariyati hamda kasaba uyushmasi tomonidan tayyorlangan zarbof to‘nlar kiydirildi.
– Ustoz o‘quvchisining savodini chiqaradi, hayotda o‘z o‘rnini topishiga ko‘maklashadi, – deydi Yoshlar bilan ishlash bo‘yicha prorektor Sarvar Nazarqosimov – Shuning uchun ham dono xalqimiz “Ustoz – otangdek ulug‘” deb aytadi. Shu bois ustozlarimizga hurmat va ehtirom ko‘rsatishni o‘z burchimiz, deb bilmog‘imiz shart.
Tadbirga taklif qilingan har bir ustozga ehtirom ko‘rsatilib, esdalik sovg‘alari topshirildi.
Jizzax davlat pedagogika instituti axborot xizmati
