Жиззах давлат педагогика институтида ходимлар саломатлигини мустаҳкамлаш юзасидан амалга оширилаётган ишлар тўғрисида маълумот – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
Жиззах давлат педагогика институтида ходимлар саломатлигини мустаҳкамлаш юзасидан амалга оширилаётган ишлар тўғрисида маълумот

Yangiliklar

12/01/2017

Chop etish

Жиззах давлат педагогика институтида ходимлар саломатлигини мустаҳкамлаш юзасидан амалга оширилаётган ишлар тўғрисида маълумот

Жиззах давлат педагогика институти касаба уюшма кўмитасининг 2017 йил иш режасига асосан институтда меҳнат қилаётган профессор-ўқитувчилар, ходимлар ва талабалар ўртасида соғлом турмуш тарзини шакллантириш, турли спорт турларининг оммавийлигини ошириш ва ривожлантириш, ходимлар саломатлигини янада мустаҳкамлаш мақсадида турли спорт мусобақалари мунтазам ташкил этиб борилмоқда. Жумладан, Ўзбекистон Республикаси Қуролли кучлари ташкил топганлигининг 25 йиллиги ҳамда 14-январь “Ватан ҳимоячилари куни” муносабати билан институт профессор-ўқитувчилари ва ходимлари ўртасида “Спорт-саломатлик гарови” шиори остида спортнинг шахмат-шашка, стол тенниси, мини футбол, волейбол, баскетбол, арқон тортиш турлари бўйича спорт мусобақалари ташкил этилди. Ушбу спорт мусобақаларини ўтказиш жараёнида фойдаланиш учун институт касаба уюшма қўмитаси томонидан кўрсатилган турлар бўйича янги спорт инвентарлари билан таъминланди. Дастлаб спорт мусобақаларини юқори савияда ташкил этиш юзасидан Ташкилий қўмита таркиби, Низоми тасдиқланди ва ходимлар ўртасида спортнинг оммавийлигини ошириш юзасидан тарғибот ишлари йўлга қўйилди. Шунинг натижасида спорт мусобақаларига институтда фаолият кўрсатаётган профессор-ўқитувчилар, ходимларнинг кенг қатламини жалб этишга эришилди.

Мазкур мусобақалар спорт мусобақаларини ўтказиш Низоми талаблари асосида Жисмоний маданият факультетининг ёпиқ спорт мажмуасида юқори савияда ташкил этилди. Спорт мусобақаларини ўтказиш жараёнида Педагогика факультети Мусиқа таълими методикаси кафедраси профессор-ўқитувчилари иштирокида турли маданий дастурлар ташкил этилди, жисмоний маданият факультети кафедраларидан мусобақаларни баҳолаб борувчи малакали ҳакамлар таркиби шакллантирилди, мутасадди ташкилотлар билан ҳамкорликда иштирокчиларнинг саломатлиги ва хавфсизлигини таъминлаш бўйича зарур чора-тадбирлар белгиланди, бунда барча иштирокчиларнинг соғлом эканлигини қатъий назоратга олинди, мусобақалар ўтадиган жойларда ёнғин ва бошқа хавфсизлик чоралари кўрилди.

Мусобақа натижаларига кўра ғолиб ва совриндорлар турли номинациялар бўйича аниқланди ва институт раҳбарияти ва касаба уюшма қўмитасининг дипломлари ва эсдалик совғалари билан тақдирланишди.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.