Bugun,7-oktyabrr kuni O‘zbekiston davlat jismoniy tarbiya va sport universiteti hamda Jizzax davlat pedagogika universiteti o‘rtasida o‘zaro hamkorlik to‘g‘risidagi memorandum imzolandi.
Ushbu hujjat ikki oliy ta’lim muassasasi o‘rtasidagi ilmiy, ta’limiy va amaliy yo‘nalishlarda hamkorlikni yanada kengaytirishga xizmat qiladi.Memorandum doirasida jismoniy tarbiya va sport sohasida malakali kadrlar tayyorlash, ta’lim jarayonini xalqaro standartlarga moslashtirish, pedagogik va ilmiy salohiyatni oshirish, ilmiy-tadqiqot ishlarining sifatini tubdan yaxshilash belgilab olindi.
Shuningdek, iqtidorli talaba-yoshlarni ilmiy va innovatsion faoliyatga keng jalb etish, fan va ishlab chiqarish o‘rtasida innovatsion hamkorlikni tashkil etish hamda uni yanada rivojlantirish masalalari ham muhim yo‘nalish sifatida qayd etildi. Mazkur memorandum ikki universitet o‘rtasidagi uzoq muddatli hamkorlik aloqalarini mustahkamlash, yosh avlodni zamonaviy bilim va ko‘nikmalar bilan qurollantirish, sport sohasida raqobatbardosh mutaxassislar tayyorlash sari muhim qadam bo‘ldi.
