Portsmud Universiteti, Buyuk Britaniya, 2021 yil, 2 Dekabr. Buyuk Britaniyaning Portsmud Universitetida malaka oshirayotgan Jizzax davlat pedagogika instituti professor o`qituvchilari Portsmouth University School of Languages and Linguistics (Tillar va Lingvistika Fakulteti) professor-oʻqituvchilari uchun 2021 yil 2 dekabr kuni «Oʻzbekiston madaniyati va Oliy taʼlim tizimi (Jizzax davlat pedagoigika instituti misolida)» (“Uzbekistan Culture and HEI System) mavzusida seminar-trening tashkillashtirishdi. Seminarga Portsmud universiteti rahbariyati vakillaridan, Portsmud universiteti Xalqaro aloqalar, UOP Global Direktori Bobby Mehta, Xalqaro aloqalar boʻlimi boshligʻi Joe Hall, TESOL Treneri Peter Watkins va universitet bir nechta professor-o`qituvchilari ishtirok etishdi. Seminar trening davomida O`zbekiston Oliy ta`liim tizimi, Jizzax davlat pedagogika instituti o`quv jarayoni, xalqaro hamkorlik aloqalari, ilmiy yutuqlari, professor-o`qituvchilar salohiyati, talabalar faoliyati, institutda yaratilgan sharoitlar to`g`risida taqdimot o`tkazishdi. Taqdimot davomida institut faoliyati yoritilgan videorolikni (https://www.youtube.com/watch?v=pAMFtfbl2Hw) taqdim etishdi.
Shundan so`ng O`zbekiston madaniyatini Portsmud Universiteti vakillariga namoyish etish maqsadida milliy urf-odatlar, laparlar, to`y marosimlaridan parcha, kelin salom, milliy qo`shiqlar va raqslarni taqdim etishdi. Mezbonlar katta qiziqish va hayrat bilan tomosha qilishdi. Seminar so`ngida Portsmud universiteti vakillariga JDPI o`qituvchilari esdalik sovg`alarini topshirishdi.
