“KREDIT-MODUL TIZIMIDA O`QUV JARAYONINI REJALASHTIRISH VA TASHKIL ETISH: YANGI O`QUV YILIGA TAYYORGARLIK” – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“KREDIT-MODUL TIZIMIDA O`QUV JARAYONINI REJALASHTIRISH VA TASHKIL ETISH: YANGI O`QUV YILIGA TAYYORGARLIK”

Yangiliklar

12/08/2020

Chop etish

“KREDIT-MODUL TIZIMIDA O`QUV JARAYONINI REJALASHTIRISH VA TASHKIL ETISH: YANGI O`QUV YILIGA TAYYORGARLIK”

Chet tillar fakulteti, Ingliz tili amaliy kursi kafedrasi

2020-yil 12-avgust kuni Jizzax davlat pedagogika instituti Chet tillar fakulteti rahbariyati vakillari hamda Ingliz tili amali kursi kafedrasi professor-o’qituvchilari ishtirokida ”Yangi 2020-2021 o`quv yiliga tayyorgarlik va kredit-modul tizimida o`quv jarayonini rejalashtirish va tashkillashtirish” mavzusida onlayn majlis bo’lib o’tdi.

Onlayn majlisni Chet tillar fakulteti dekani prof. A.Mamatov ochib berdi. A.Mamatov barcha professor-o`qituvchilarga 2020 yil 6-avgust kuni Prezident Shavkat Mirziyoyev raisligida oliy ta’lim muassasalariga qabulni tashkil qilish va 2020/2021 o‘quv yiliga tayyorgarlik ko‘rish masalalari yuzasidan o‘tkazilgan yig‘ilish va undan kelib chiqadigan vazifalar to‘g‘risida yetarlicha ma’lumotlar va qo’yilgan topshiriqlarni sifatli bajarish bo’yicha tavsiyalar berdi. A.Mamatov karantin tufayli masofaviy tarzda boshlanishi kutilayotgan yangi o’quv yili uchun texnik va texnologik imkoniyatlar, masofaviy dars o’tish sifatini oshirish, kredit-modul tizimiga o’tish, kafedra o`quv kurslarini jspi.moodle.uz platformasiga jolashtirish kabi masalalar borasida to`xtalib o`tdi.

Shundan so`ng onlayn majlisni Ingliz tili amaliy kursi kafedrasi katta o`qituvchisi A.Jabborova yangi 2020-2021 o`quv yiliga tayyorgarlik rejalari aks etgan “Kredit-modul tizimida o`quv jarayonini tashkillashtirish va rejalashtirish” mavzusidagi taqdimoti bilan davom ettirdi. Taqdimotda yangi o`quv yiliga tayyorgarlik ko`rish bo`yicha Ingliz tili amaliy kursi kafedrasining “Yo`l xaritasi” da belgilangan vazifalar va ularni ijro etish bo`yicha ko`rsatmalar berib o`tildi. Shuningdek, A.Jabborova o`z taqdimotida kredit –modul tizimi asosida o`quv jarayonini rejalshtirish, o`quv yuklamani rejalashtirish, yozgi semestrni tashkillashtirish, ECTSda xalqaro miqyosida qo`llaniladigan asosiy tushunchalar haqida ma`lumot berib o`tdi. Taqdimot so`ngida professor-o`qituvchilarda yuzaga kelgan savollarga javob berdi.

Onlayn majlis so`ngida barcha topshiriqlarning ijrosini o`z vaqtida va sifatli amalga oshirish bo`yicha qarorlar qabul qilindi va majlisga yakun yasaldi.

Boshqa rubrikalarda mashhur

Barcha Rubrikalar

Kitobxonlik Tanlovining Ikkinchi Bosqichi: Zakovat Intellektual Bellashuvi O‘tkazildi.

Universitet rektori tashabbusi bilan tashkil etilgan kitobxon talaba tanlovining ikkinchi bosqichi bo‘lib o‘tdi. Birinchi bosqich — test sinovi bo‘lib, unda talabalar o‘qigan kitoblari bo‘yicha bilimlarini...

JDPU–Sharof Rashidov tuman ixtisoslashtirilgan maktabi hamkorligi amalda.

Jizzax davlat pedagogika universiteti va Sharof Rashidov tuman ixtisoslashtirilgan maktabi o‘rtasida imzolangan memorandum doirasida hamkorlikni rivojlantirish bo‘yicha bir qator chora-tadbirlar amalga oshirilmoqda.

JDPU professor-o‘qituvchilari uchun “Olimlarga ehtirom” shiori ostida jamoaviy hordiq tashkil etildi.

Jizzax davlat pedagogika universiteti rektorati va kasaba uyushmasi tashabbusi bilan professor-o‘qituvchilar uchun jamoaviy dam olish tadbiri o‘tkazildi.