Jizzax davlat pedagogika universiteti Xotin-qizlar maslahat kengashi raisi Z. Kasimova tashabbusi bilan Filologiya fakulteti 2-kurs talaba-qizlari ishtirokida “Oilada tazyiq va zo‘ravonlikka uchragan ayollar, ularga himoya orderi berish tartibi” mavzusida davra suhbati tashkil etildi. Tadbirda fakultet tyutori J. Nosirova ham ishtirok etdi.

Suhbat davomida Z. Kasimova mamlakatimizda gender zo‘ravonligiga qarshi kurash, oilaviy zo‘ravonliklarni bartaraf etish, gender tengligini ta’minlash yo‘nalishida olib borilayotgan islohotlar va qabul qilingan qonunchilik hujjatlari haqida batafsil ma’lumot berdi.

Shuningdek, himoya orderining mazmuni, uni olish tartibi, kimlarga va qanday holatlarda berilishi, shuningdek tazyiq va zo‘ravonlikka olib keluvchi omillar hamda ularga nisbatan belgilangan javobgarlik masalalari haqida tushunchalar berildi.

Tadbir davomida talaba-qizlarni shilqimlik, nojo‘ya munosabat va turli tazyiqlardan himoya qilishning huquqiy va tarbiyaviy jihatlari ham alohida ta’kidlandi.

Suhbat talaba-qizlarning huquqiy madaniyatini mustahkamlash, o‘z huquq va erkinliklarini bilish, hamda ulardan to‘g‘ri foydalanish ko‘nikmalarini shakllantirishda muhim ahamiyat kasb etdi.