2024-2025 o‘quv  yili boshlanishi munosabati bilan turli mutaxassislik bo‘yicha ishga qabul qilinayotgan talabgorlar bilan universitet rektori suhbat o‘tkazdi.

Bugun Jizzax davlat pedagogika universitetida o‘z faoliyatini boshlash uchun 30 nafar pedagog va ishchi xodimlar ariza bilan murojaat qilishgan. Jizzax davlat pedagogika universiteti rektori Sh.Sharipov oliy ta’lim muassasasidagi bo‘sh ish o‘rinlariga hujjat topshirgan nomzodlar bilan suhbat o‘tkazdi.

Suhbat davomida universitet rektori har bir nomzoddan kelgusidagi rejalari, ayni paytda olib borayotgan ilmiy-tadqiqot ishlari bilan qiziqdi. Shuningdek, ularning til bilish darajasi ham e’tibordan chetda qolmadi.

Nomzodlar bilan suhbat chog‘ida ularning qanday ma’lumotga egaligi, ta’lim sohasida kamida besh yil ishlagani, shaxsiy va ishbilarmonlik fazilatlari, soha rivojiga qo‘shgan hissasi hamda tanlangan ta’lim yo‘nalishining hozirgi ish faoliyatiga mos kelishi hisobga olindi. Ayni paytda nomzod o‘zining yo‘nalishidan kelib chiqib olib borayotgan ilmiy izlanishlari mavzusi va uning dolzarbligiga ham e’tibor qaratildi.