Institut axborot-resurs markazida 6 noyabr kuni buyuk davlat arbobi, yozuvchi Sh.Rashidov tavalludi munosabati bilan “Elning suyukli farzandi” mavzusida davra suhbati tashkil etildi. Davra suhbatida O‘zbek tili va adabiyoti fakultetining o‘qituvchi – talabalari ishtirok etdilar. Davra suhbatida Badiiy adabiyotlar bo‘limi xodimasi Sh. Rashidova atoqli adib Sh. Rashidovning hayoti va faoliyati to‘g‘risida ishtirokchilarga ma’lumot berdi. O‘zbek tili va adabiyoti fakultetining katta o‘qituvchisi L. Ibragimova so‘zga chiqib, “Darhaqiqat bugungi kunda Sharof Rashidov nomi va ruhi barhayotdir. Uning asarlari yangi yosh avlodning shuuridan o‘ziga munosib joy olmoqda, qalbiga zavq-shavq ulashmoqda.”-deya ta’kidladi.
Shundan so‘ng, ARM bibliografi D. Dadasheva ishtirokchilarga “Elning suyukli farzandi” nomli adabiyotlar ko‘rgazmasini qisqacha sharhlab berdi. Tadbirda 27 ta ishtirokchi qatnashdi.
