Ixtisoslik kafedralar diqqatiga!
O‘zbekiston Respublikasi Prezidentining 2022-yil 21-iyundagi PQ-289-sonli qarorining 2,e-bandi hamda JDPU rektorining 2024-yil 12-sentyabrdagi 284-U-sonli buyrug‘ining ijrosini ta’minlash maqsadida universitetning ixtisoslik kafedralari professor-o‘qituvchilarini xorijning nufuzli oliy ta’lim muassasalarida 2025-kalendar yilida malaka oshirish va stajirovka o‘tashlari uchun
TANLOV E’LON QILADI
Universitet ixtisoslik kafedralarining kamida 5 % professor-o‘qituvchilarini nufuzli xorijiy oliy ta’lim muassasalar va ilmiy tashkilotlarga universitetning byudjetdan tashqari jamg‘armalari hisobidan malaka oshirish va stajirovkaga yuborish bo‘yicha tanlovning xorijiy tillarni bilish darajasini aniqlovchi bosqichi universitet ishchi guruhi tomonidan 2025-yil 7-8-fevral kunlari, tanlovning yakunlovchi bosqichi 2025-yil 11-12-fevral kunlari o‘tkaziladi.
Nomzodlarga qo‘yiladigan talablar:
arizalar faqat asosiy shtatda ishlaydigan ixtisoslik kafedralari professor-o‘qituvchilaridan qabul qilinadi;
stajirovka tanlovida ishtirok etish uchun nomzodlarning yoshlari chegaralanmaydi;
malaka oshirish va stajirovka o‘tashga xorijiy tillarni o‘zining ish faoliyatini amalga oshirishda zarur bo‘lgan darajada biladigan nomzodlar yuboriladi;
nomzodlarning arizalari va hujjatlari universitet tomonidan tashkil etilgan ishchi guruhi tomonidan tanlov asosida saralab olinadi;
malaka oshirish va stajirovkalar 15 kalendar kundan kam bo‘lmagan va ikki oygacha bo‘lgan davrda amalga oshiriladi.
Nomzodlardan talab qilinadigan hujjatlar:
universitet rektori nomiga ariza;
nomzodning shaxsiy-ma’lumotnomasi;
Ilmiy ishlar va innovatsiyalar bo‘yicha prorektor, fakultet dekani va kafedra mudiri tomonidan tasdiqlangan malaka oshirish va stajirovka o‘tash rejasi;
Nizomning 1-ilovasiga muvofiq malaka oshirish va stajirovka o‘tash loyihasini taqdim etish;
qabul qiluvchi tomonidan kelgan taklifnoma yoki rozilik xati;
til bilish darajasini belgilovchi hujjat (mavjud bo‘lsa);
fakultet kengashi qaroridan ko‘chirma.
130100, Jizzax shahri,
Sh.Rashidov shoh ko‘chasi, 4-uy, JDPU bosh binosi,
2-qavat, 217-xona, Xalqaro hamkorlik bo‘limi.
+99872-226-72-39;
+99891-209-07-66.
