“Bir ziyoli- bir mahallaga ma’naviy homiy” tadbirlar davom etmoqda

Jizzax davlat pedagogika isntiuti Tarix hamda O‘zbek tili va adabiyoti fakultetlari Jizzax shahar XTBga qarashli 12-maktabda “Bir ziyoli – bir mahallaga ma’naviy homiy” tamoyili asosida Jizzax shahar Qaliya MFYda  ma’naviy-ma’rifiy tadbirni tashkil etishdi. Tadbirda  “Qaliya” MFY  faollari  institutning Tarix hamda O‘zbek tili va adabiyoti fakulteti  professor -o‘qituvchilari, talaba va o‘quvchi yoshlar ishtirok etdi.   Tadbirni institut rektori prof.Sh.S.Sharipov ochib berdi. Ochiq muloqot, suhbat tarzida o‘tkazilgan uchrashuvda yig‘ilganlarga Jizzax davlat pedagogika institutida yaratilgan sharoitlar, oliy  o‘quv yurtiga kirish tartiblari, institut va mahalla hamkorligi haqida so‘z bordi. Shundan so‘ng  Tarix hamda O‘zbek tili fakulteti dekanlari “Imon – mehr va sahovatdadur” shiori ostida  Qaliya mahallasidagi kam ta’minlangan oilalar holidan xabar olib ularga  moddiy yordam va ehsonlarni tarqatishdi. Kun davomida institutning professor-o‘qituvchilari  bir qancha xayrli ishlarni amalga oshirib  12-maktab kutubxonasiga ilmiy-badiiy kitoblarni ham  sovg‘a qilishdi.  “Bir ziyoli-bir mahallaga ma’naviy homiy” tamoyili ostida bo‘lib o‘tgan tadbir yakunida O‘zbek tili va adabiyoti fakulteti talabalari tomonidan tayyorlangan teatrlashtirlgan sahna ko‘rinishlari  va badiiy  dasturlar namoyish etildi.