Ўзбекистон Республикаси Призидентининг 2016-йил 20-декабрдаги “Ўзбекистон Қуролли Кучлари ташкил этилганлигининг 25-йиллиги ва Ватан ҳимоячилари куни байрамига тайёргарлик кўриш ва уни ўтказиш тўғрисида”ги Ф 4766-сонли фармойиши ижросини таьминлаш мақсадида Жисмоний маданият назарияси ва спорт турларини ўқитиш услубиёти кафедраси томонидан 9 январда “Ҳарбий хизматчилар ва Олий таълим профессор-ўқитувчилари ўртасида кичик футбол ва арқон тортиш мусобақалар”и ташкил этилди.
Мусобақани институт маънавий-маърифий ишлар проректори Фурқат Ахмедов кириш сўзи билан очиб берди. Бугун ҳарбий хизматни ўташ ҳар бир фуқаро учун нафақат Ватан олдидаги бурч, балки шарафли вазифага айланди. Юртимизда ватанга хизмат қилишдек юксак бурчга сазовор бўлган ҳарбийларнинг ҳар жиҳатдан етуклиги, уларнинг жисмоний чиниқиши, маънавияти, дунёқараши ва билимларини ошириши учун барча имкониятлар яратилган. Бу ҳар бир ҳарбий хизматчининг интелектуал салоҳиятини юксалтирмоқда. Бугун қайси соҳага назар ташламайлик, барча жабҳаларда улкан ўзгаришларни кўрамиз. Бу ўзгаришлар юртимизда ҳукм сураётган барқарор тинчлигимизнинг натижасидир. Ана шу тинчликни таъминлаб турган сиз каби ўғлонларни бугунги байрам билан чин қалбдан муборакбод этаман. Сизларга фаолиятингиз давомида улкан марраларни забт этишингизга тилакдошман деб сўзини якунлади.
Шундан сўнг, мусобақаларда 25.931-ҳарбий қисмнинг “Бунёдкор” жамоаси билан 03.195-ҳарбий қисмнинг “Лочин” жамоаси ўртасидаги беллашувда 2:3 ҳисобда “Лочин” жамоаси ғалаба қилган бўлса, кейинги ўйинда 25.931-ҳарбий қисмнинг “Бунёдкор” жамоаси билан билан Жиззах Давлат педагогика институтининг “Зиёкор” жамоаси ўртасидаги беллашувда эса 8:4 ҳисобда “Бунёдкор” жамоаси ғалаба қилди. Сўнгги ўйинда яна 03.195- ҳарбий қисмнинг “Лочин” жамоаси ва институтининг “Зиёкор” жамоаси ўртасидаги беллашувни 7:6 ҳисобда тугатиб, ҳисоб натижаларини белгилаб берди.
Мусобақа сўнгида яхши натижаларга эришган, ҳарбий интизомни мустаҳкамлашга муносиб ҳисса қўшаётган ҳарбий ҳизматчилар ва профессор-ўқитувчилар Ўзбекистон Республикаси Қуролли Кучлари ташкил топганлигининг 25 йиллиги муносабати билан “Дипломлар” билан тақдирландилар.
