Давлат хизматлариагентлиги ташаббускор ва иқтидорли талабаларни Давлат хизматлари марказларида волонтёрликка таклиф қилади.
Амалиёт муддати: 01.08.2020 – 25.08.2020
Амалиёт жойи:Бахмал, Деҳқонобод, Ховос, Нурафшон, Сариосиё туманларидаги давлат хизматлари марказлари
Амалиёт шакли: анъанавий ва виртуал
Волонтёрлик ҳаракати тавсифи:
- фуқароларга давлат хизматларини кўрсатишда кўмаклашиш;
- фуқароларда давлат хизматлари тўғрисида тушунча ва кўникмаларни шакллантириш, аҳолининг ижтимоий ҳимояга муҳтож қатламларининг давлат хизматларини мустақил равишда олишларига кўмаклашиш;
- онлайн давлат хизматларидан фойдаланиш имкониятлари ҳақида жойларда (маҳалла ва гузарларда) кенг тарғибот ишларини олиб бориш.
Сизга волонтёрлик ҳаракати қандай имкониятлар беради?
- давлат хизматлари тўғрисида чуқур билим ва кўникмага эга бўласиз;
- гуруҳда ишлаш, етакчилик, ташкилий мулоқот маданиятини шакллантириш, ижтимоий лойиҳаларни амалга ошириш кўникмалари шаклланади;
- волонтёрлик ҳаракати дастурини муваффақиятли якунлаган талабалар давлат хизматлари марказларида кейинчалик ишлашлари учун тавсия этилади ва танловда уларга устунлик берилади;
- халқаро ташкилотнинг тавсия хатига эга бўласиз, маҳаллий ва халқаро ташкилотларда ишлаш имкониятларингиз кенгаяди.
Иштирокчиларга қуйиладиган талаблар:
- ақлли, зукко, мақсадга интилувчан ва ҳаётда қувноқ ёшларни қидиряпмиз;
- шиддат билан ривожланувчи ташкилот сифатида мослашувчан ва ижодкорларга муҳтожмиз;
- ахборот-коммуникация воситаларидан фойдаланиш кўникмасига эга бўлган ёшларга эҳтиёжимиз мавжуд;
- мулоқотга киришувчан, бошқаларга ёрдам берувчи, гуруҳда ишловчи ёшлар зарур;
- агарда сиз дунёни ўзгартиришга ҳисса қўшишни ҳоҳламасангиз унда бу иш сиз учун эмас!
Талабалар кўнгиллилик фаолиятини амалга оширишва амалиётни ўташ давомида Бирлашган Миллатлар Ташкилотининг Тараққиёт Дастурининг Ўзбекистондаги ваколатхонаси томонидан зарур воситалар (ноутбук, планшет, мобил алоқа воситалари ва бошқ.) таъминланади, бу жараённинг якунида фаол иштирокчилар қимматбаҳо совғалар (ноутбук, планшет ва бошқ.) билан тақдирланади.
Ушбу тадбирдаиштирок этиш истагини билдирган талабалар жорий йилнинг 15июлига қадарқуйидаги манзилда https://forms.gle/MDhhpEqBqUx2ovpP6руйхатдан ўтишлари зарур.
