6–7-dekabr kunlari Jizzax davlat pedagogika universitetining bir guruh professor-o‘qituvchilari hamda xodimlari Zomin dam olish maskanida navbatdagi dam olish kunlarini o‘tkazib qaytishdi.

Ta’kidlash joizki, universitet jamoasi uchun dam olish va sog‘lomlashtirish kunlari sentyabr oyidan buyon har hafta muntazam ravishda tashkil etilib, ushbu tashabbus allaqachon yaxshi an’anaga aylangan.

Shu muddat davomida 400 nafardan ortiq professor-o‘qituvchi va xodimlar Zominning betakror tabiati, musaffo tog‘ havosi bag‘rida hordiq chiqarish imkoniga ega bo‘ldilar.

Zominga tashrif buyurgan safar ishtirokchilari tog‘ havosi, sof iqlim va qish faslining oppoq ziyosida maza qilib hordiq chiqarganini, tabiat go‘zalligi ularga katta ruhiy zavq va ijobiy taassurotlar bag‘ishlaganini qayd etishdi.

Ular mazkur imkoniyat uchun kasaba uyushmasi hamda universitet rahbariyatiga o‘z minnatdorchiliklarini bildirishdi.