Jizzax davlat pedagogika universiteti  Pedagogika psixologiya fakultetining “Umumiy psixologiya” kafedrasi tomonidan tashkillashtirilgan anjumanda 5 ta xorijiy davlatdan hamda yurtimizdaga ko‘zga ko‘ringan oliygohlardan olimlar talaba yoshlar ishtirok etishdi. Taʼkidlash joiz mavzu doirasida shu vaqtga qadar bunday anjumanlar tashkil etilmagan. Anjumanni Jizzax davlat pedagogika universiteti ilmiy ishlar va innovatsiyalar bo‘yicha prorektori G‘. Qodirov ochib berdi. U o‘z so‘zida bugungi kunda maktab taʼlimidan tortib oliy taʼlimgacha bo‘lgan tizimda faoliyat olib borayotgan psixologlarning yutuq va kamchiliklari, sohani yanada rivojlantirish uchun nimalarga eʼtibor qilish lozimligi, aynan bugungi ilmiy-amaliy konferensiya ham ana shu dolzarb masalaga qaratilganiga urg‘u berdi.

Anjumanda Oilada sog‘lom psixologik muhitni yaratishda oila barqarorligini taʼminlashning ijtimoiy-psixologik masalalari.Jamiyatda xotin-qizlar va erkaklarga nisbatan zo‘ravonlik hamda tazyiqning ijtimoiy-psixologik jihatlari.Psixologiya sohasida ilmiy salohiyatga ega bo‘lgan kadrlar tayyorlashning integrativ mexanizmlarini takomillashtirish shart-sharoitlari. Ijtimoiy psixologiyada shaxslararo munosabatlarning zamonaviy tendesiyalari. Ijtimoiy psixologiyada psixologik xizmat ko‘rsatish: yutuq va muammolar mavzularida maʼruzalar qilindi. Konferensiyaga taklif etilgan olimlar talabalar va professor-o‘qituvchilar bilan fikr almashishdi.

Kunning ikkinchi yarmida konferensiya o‘z ishini sho‘balarga bo‘lingan holda davom ettirdi. Anjumanda psixologiya fanlari doktori, professor  G‘.Shoumarov ishtirok etdi.