Ikki kun davom etgan o‘quv seminarida Jizzax davlat pedagogika univeristeti Yoshlar ittifoqi boshlang‘ich tashkiloti Yoshlar Kengashi a’zolari fakultet koordinatorlari ishtirok etdi.
Oliy ta’lim muassasida talaba-yoshlarning huquq va manfaatlarini himoya qilish, ularni ma’naviy-mafkuraviy dunyoqarashini mustahkamlash, iqtidorli yoshlarni har tomonlama qo’llab-quvvatlash va ijtimoiy faolligini oshirish bo‘sh vaqtlarini mazmunli tashkil etish, talaba-yoshlarni tashabbuslarini amalga oshirish ishlarini yanada takomillashtirish masalalariga bag‘ishlangan o‘quv seminarini universitet Yoshlar masalalari, ma’naviy-ma’rifiy ishlar bo‘yicha birinchi prorektor (v.v.b) F.Akchaev ochib berdi.
U o‘z so‘zida O‘zbekiston Respublikasi Oliy ta’Iim, fan va innovatsiyalar vazirligi qo‘shma qarori hamda va O‘zbekiston yoshlar ittifoqi Markaziy Kengashining xatida belgilangan vazifalarga to‘xtalib, bugungi seminar qatnashchilardan o‘z vazifasiga sidqidildan yondoshishni, tengdoshlariga o‘rnak bo‘lishlari lozimligini ta’kidladi.
Kun davomida rejalashtirilgan seminar-treningda ishtirokchilar malakali mutaxassilar, media-trenerlar va psixologlar tomonidan Liderlik qobiliyatlarni shakllantirish, Talabalarning psixologik portretini yaratish , Talabalarning ilmiy tadqiqot ishlariga jalb etishning ustuvor yo’nalishlari, Jamoalarda ishlash, Vaqt menejmentini to’g’ri taqsimlash, undan samarali foydalanish hamda muammolar yechimini maqsadli yo’naltirish, Ijtimoiy tarmoqlardan samarali foydalish, Media savodxonlikni oshirish, Talabalarni madaniy ma’rifiy tadbirlarga jalb etish mavzularida dasrlar o‘tishdi.
O‘ziga xos noan’anaviy usulda bo‘lib o‘tgan mashg‘ulotlar so‘ngida ishtirokchilar o‘zlarining mavzu doirasida o‘zlarining prezentatsiyalarini namoyish etishdi.
