2017 yil 25 dekabr kuni Jizzax davlat pedagogika instituti pedagogika fakulteti talabalari ma’naviy-ma’rifiy ishlar bo‘yicha dekan o‘rinbosari T. Haqqulov va katta o‘qituvchi N. Hasanova boshchiligida Jizzax viloyati xalq ta’limi boshqarmasiga qarashli 29-mehribonlik uyiga tashrif buyurishdi. Tashrif buyuruvchilar yangi yil bayrami munosabati bilan “Mehribonlik uyi” tarbiyalanuvchilari uchun “Yangi yilda yangi orzular” deb nomlangan konsert dasturini namoyish etdilar. Konsert dasturi davomida bolajonlarga yangi yil sovg‘alarini ulashdilar. Bolajonlar konsert dasturini miriqib tomosha qilishdi.
