Tarix fakultetida Xotin-qizlar maslahat kengashi tashabbusi bilan “Xotin-qizlarni tazyiq va zo‘ravonlikdan himoya qilishning psixologik mexanizmlari” mavzusida davra suhbati bo‘lib o‘tdi.

Tadbirda xotin-qizlarga nisbatan zo‘ravonlikning turlari, ayniqsa raqamli makonda uchraydigan kiberbosim, feyk akkauntlar orqali tahdid va shantaj, shaxsga doir ma’lumotlarni noqonuniy tarqatish kabi holatlar haqida batafsil ma’lumot berildi.

Shuningdek, bunday xatti-harakatlarning psixologik, axloqiy va ijtimoiy oqibatlari misollar asosida tushuntirildi. Uchrashuv davomida ishtirokchilarga onlayn makonda o‘zini himoya qilish bo‘yicha amaliy tavsiyalar, xavfsiz xulq-atvor bo‘yicha qoida va yo‘riqnomalar, ishonchli manzillar va yordam kanallari haqida ma’lumotlar yetkazildi. Yakunda videorolik namoyish etilib, savol-javob va ochiq muloqot tashkil qilindi.