Ko‘ngillilar qilgan yaxshiliklari uchun ish haqi yoki moddiy zaruriyat talab qilmaydigan, yordamlashishni farz deb sanaydigan insonlar.
Ular el olqishini orqalab, ezgulik yo‘lida muhim ishlar bajarishadi. Jizzax davlat pedagogika universiteti talaba yoshlaridan iborat “Volontyorlar klubi” a’zolarini ham ana shu insonlar safiga qo‘shish mumkin. Xabaringiz bor talaba yoshlardan iborat guruh a’zolari har hafta viloyatimizning turli tumanlariga tashrif buyurishmoqda.
Bu galgi tashrif Baxmal tumani “Nurafshon” MFY ga bo‘ldi. Dastlab ko‘ngillilar mahalladagi 36 -umumta’lim maktabida bo‘lishdi. Klub a’zolari maktabning 5-11 sinf o‘quvchilari uchun A. Qayumov boshchiligida mahorаt darslarini o‘tib berishdi. Suhbat va savol javob asosida bo‘lib o‘tgan mahorаt darslarida maktab o‘vquvchilari ham faol ishtirok etishdi.
Tashrif so‘ngida «Volontyorlar klubi” a’zolari tomonidan mahalladagi uyushmagan yoshlar va xotin-qizlar uchun psixologik treninglar tashkil etildi. 
