JDPU talabalari orasida “Yoshlar korrupsiyaga yo‘q deydi!” mavzusida “Eng yaxshi insholar” tanlovining universitet bosqichi o‘tkazildi. Tanlovga qatnashish maqsadida 160 dan oshiq talabnomalar kelib tushgan bo‘lib, shundan 95 nafar talaba tanlovda ishtirok etdi. Tanlov bo‘yicha yozilgan insholar 9 nafar mutaxassis-ekspertlar tomonidan tekshirildi.

“Yoshlar korrupsiyaga yo‘q deydi!” mavzusida “Eng yaxshi insholar” tanlovining universitet bosqichida quyidagi talabalar g‘olib deb topildi.1-o‘rin Tarix fakulteti talabasi Xoldorova Zuhraga nasi etdi.2-o‘ringa Maktabgacha ta’lim fakulteti talabasi To‘raqulova Umida sazovor bo‘lgan bo‘lsa, 3-o‘ringa birvarakay ikki nafar talaba Fizika va texnologik ta’lim fakulteti talabasi Xudoyqulova Zuhra hamda Boshlang‘ich ta’lim fakulteti talabasi Haydarova Marjonalar loyiq deb topildi.

Tanlovning g‘oliblari diplomlar va 1-o‘rin uchun bazaviy stipendiya miqdorining 2 barobari, 2- o‘rin uchun bazaviy stipendiya miqdorining 1.5 barobari, 3-o‘rin uchun bazaviy stipendiyaning 1 barobari miqdorida pul mukofotlari bilan rag‘batlantiriladi. Tanlovda 1-o‘rinni olgan talabaning ijodiy ishi respublika bosqichiga yuboriladi.