Jizzax davlat pedagogika universiteti professor-o‘qituvchilari, talabalari ham ushbu xayrli ishga o‘z hissasini qo‘shmoqda.
Bo‘ston shaharchasida joylashgan Sirtqi bo‘limi hududi yanada kengaydi. Zarbdоr tumani hokimligi qarori bilan 4,5 gektar yer universitet balansiga o‘tkazildi.

Bir necha yillardan beri qarovsiz holda yotgan yer maydoni o‘zlashtirilib “Yangi O‘zbekiston” bog‘iga aylantirilmoqda.

Ta’kidlash joizki, ko‘chatlar hududning iqlim sharoitidan kelib chiqib, bog‘lar hosil qilish va ko‘kalamzorlashtirishni nazarda tutgan holda tanlab olindi. Ayni paytgacha hududga yerning meliorativ holatini inobatga olgan holda 3 ming tup bodom, gilos va tut ko‘chatlari ekildi.