Yashil olamni saqlash va yashil hududlarni kengaytirish davlat siyosati darajasiga ko‘tarildi.

Prezident Shavkat Mirziyoev tomonidan ilgari surilgan “Yashil makon” umummilliy loyihasi shahar va qishloqlarimizni yashil maydonga aylantirish, go‘zal bog‘-rog‘lar barpo etish imkonini beradi. Ushbu loyiha doirasida yiliga 200 million tup daraxt va buta ko‘chatlarini ekish va shu orqali shaharlardagi yashil maydonlarni amaldagi 8 foizdan 30 foizga oshirish reja qilingan.

Ta’kidlash joiz Yashil hudud bunyodkorlari o‘z yashash hududlari, tuman va shahar markazlariga, iqlim sharoitlaridan kelib chiqib eman,  turli  mevali va manzarali daraxt ko‘chatlari ekmoqda.

Bu boradagi ishlar esa Jizzax davlat pedagogika institutida ham boshlab yuborildi. Instituting Matematika va informatika fakulteti joylashgan  Kuyovboshi MFY hududida tashkil etilayotgan “Universitet bog‘i” ga erta tongdan ko‘chat ekish ishlari boshlab yuborildi. Oliygoh profesor-o‘qituvchilarinigg tashabbusi bilan  tashkil tilayotgan “Universitet bog‘i”ga  1000dan ziyod archa  ko‘chati o‘tqazilda.

–O‘lkada yashil olam qanchalik katta hududni egallasa, shuncha osmonimiz musaffo bo‘ladi. Shuning uchun, biz, toza muhitni  asrash, yashil olamni kengaytirish borasidagi bu xayrli loyihada faol ishtirok etishni o‘z oldimizga maqsad qilib oldik. Va bu ishda barcha yurtdoshlarimizni talaba yoshlarimizni ham  faol bo‘lishga chaqirib qolamiz, jannatmonad yurtimizning betakror tabiatni asrab avaylash har birimizning muqaddas burchimizga aylansin -deydi institut rektori Sh.Sharipov