Jizzax davlat pedagogika universiteti mezbonligida “XORIJIY TILLARNI O`QITISH VA AMALIY TILSHUNOSLIK – (FLTAL)” mavzusida 13-xalqaro konferensiya 2023 yil 29-30 Noyabr kunlari bo`lib o`tishi rejalashtirtilgan. Bugun xalqaro konferensiyaning rasmiy ochilish marosimi universitet Majlislar zalida bo`lib o`tdi. Xorijiy va respublikadagi 20 dan ortiq universitet hamkorligida 70 dan ortiq kuchli mutaxassis olimlar o`z taqdimoti bilan ishtirok etmoqdalar.
Konferensiyani Silk Road Research Academy va FLTAL konferensiyasi asoschisi, professor Azamat Akbarov ochib berdi. U o‘z nutqida ushbu konferensiyaning xorijiy tillarni o`qitishdagi ahamiyati va amaliy tilshunoslik masalalariga alohida to`xtalib o‘tdi.
Kirish qismini Jizzax davlat pedagogika universiteti rektori Sh.S.Sharipov davom ettirdi. Sh.S.Sharipov o`z nutqida Xorijiy tillarni o‘qitishni rivojlantirish, ta’lim sifatini oshirish, o‘quvchi yoshlarning xorijiy tillarni o‘rganish bo‘yicha ko‘nikma va malakalarini oshirish, xorijiy tillarni qiyosiy o‘rganish, xorijdagi ilg‘or mamlakatlarning innovatsion pedagogik tajribalaridan foydalanish va shu asosida xorijiy tilni o‘qitishning metodikasini yaratish kabi ustuvor vazifalar xususida to‘xtaldi.
Bugun kun davomida xorijlik va respublika universitetlari mutaxassislari tomonidan plenarniy ma`ruzalar bo`lib o`tishi rejalashtirilgan. 30 Noyabr kuni Konferensiyaning 2 kuni davomida ma`ruzalar sho`balarda turli sessiyalarda davom etadi.
