O‘zbekiston Respublikasi Prezidentining 2025-yil 18-iyuldagi F–43-son farmoyishiga muvofiq, xorijda istiqomat qilayotgan vatandosh yoshlar uchun o‘zbek tili va adabiyoti, tarix, madaniyat, san’at va hunarmandchilik yo‘nalishlarida tahsil olishlari uchun 30 ta davlat granti ajratildi.
Nomzodlarga qo‘yiladigan asosiy talablar:
-
Shaxsini tasdiqlovchi hujjatlar asosida nomzodning o‘zi, ota-onasi yoki yaqin qarindoshi;
-
Etnik, til va madaniy-tarixiy nuqtayi nazardan o‘zini o‘zbek yoki qoraqalpoq sifatida identifikatsiya qilgan xorijiy fuqaro yoki fuqaroligi bo‘lmagan shaxs;
-
O‘zbekiston hududida tug‘ilib, istiqomat qilgan, biroq hozirda xorijda doimiy istiqomat qilayotgan shaxs;
-
Davlat komissiyasi tasdiqlagan bakalavriat yo‘nalishlaridan biriga hujjat topshirib, suhbat natijasida talabalikka tavsiya etilgan bo‘lishi;
-
30 yoshga to‘lmagan bo‘lishi;
-
O‘zbek tilini bilishi.
Imtihon tartibi:
-
Kasbiy (ijodiy) imtihon mavjud yo‘nalishlarda — tanlangan oliy ta’lim muassasasi tomonidan ijodiy imtihon o‘tkaziladi.
-
Boshqa yo‘nalishlarda — Bilim va malakalarni baholash agentligi tomonidan test sinovlari o‘tkaziladi.
Muhim sanalar:
-
Arizalarni topshirish muddati: 2025-yil 10-oktyabrgacha.
-
Nomzodlar ro‘yxatini Vazirlikka taqdim etish muddati: 2025-yil 15-oktyabrgacha.
Natijalar maxsus tanlov asosida aniqlanadi va ballar ketma-ketligi bo‘yicha eng yuqori natija qayd etgan talabgorlar davlat granti sohibi bo‘ladilar.
