JDPUda o‘tkazilgan konferensiya ana shunday nomlandi.

Jizzax davlat pedagogika universiteti , Xorijiy tillar fakulteti, Ingliz tli o‘qitish metodikasi kafedrasi tomonidan «Raqamlashtirilgan ta’lim muhitida tillar o‘qitish hamda lingvokulturologiyaning dolzarb masalalari: Muammo va kamchiliklar»  mavzusida xalqaro ilmiy – amaliy konferensiya tashkil etildi.

Konferensiyani universitet rektori Sh.Sharipov ochib berdi. Konferensiyada dunyoning bir qator mamlakatlari, jumladan Buyuk Britaniya, AQSH, Birlashgan Arab Amirliklari, Misr, Turkiya, Ozarbayjon hamda Qozog‘iston respublikasi OTMlari olimlari o‘z ma’ruzalari bilan qatnashdi.

Mazkur xalqaro konferensiya Ingliz tili va adabiyoti yo‘nalishini tashkil qilishda o‘z hissasini qo‘shgan ustoz Bagishov Dadash Gasan o‘g‘li xotirasiga bag‘ishlandi. Konferensiyada shuningdek ustoz Bagishov Dadash Gasan o‘g‘lning turmush o‘rtog‘i professor Faniya Axmedshina hamda oila a’zolari ham qatnashib ustozni yod etdilar.