Joriy yilda o‘tkazilgan “Yilning eng faol sportchi talabasi” ko‘rik-tanlovining universitet bosqichi g‘olibi — O‘zbekiston milliy futbol terma jamoasi a’zosi, Jismoniy tarbiya va sport fakulteti 2-kurs talabasi Ruslanbek Jiyanov universitet rahbariyati tomonidan munosib taqdirlandi.
Shu munosabat bilan universitet rektori Maksudjon Yuldashev ishtirokida uchrashuv bo‘lib o‘tdi.
Unda Ruslanbek Jiyanovning terma jamoa safidagi faoliyati va erishgan yutuqlari e’tirof etildi.
/ 
Uchrashuv yakunida g‘olibga faxriy yorliq hamda bazaviy hisoblash miqdorining 8 baravaridagi vaucher topshirildi.O‘z navbatida Ruslanbek Jiyanov universitetda sport sohasida olib borilayotgan tizimli islohotlar, talabalar uchun yaratilayotgan shart-sharoitlar haqida to‘xtalib, rahbariyatga bildirilgan qo‘llab-quvvatlov uchun minnatdorchilik izhor etdi.
