Jizzax, 21 noyabr 2025 – Universitet faollar zalida universitet “Karyera markazi” tashabbusi bilan bitiruvchi bosqich talabalari uchun “Kelajakka qadam” dasturi doirasida seminar-trening bo‘lib o‘tdi.
Tadbir universitet magistratura bosqichi talablaridan besh nafariga ularning tashabbuskorligi, yoshlar orasida faollikni oshirishga qo‘shgan hissalari hamda namunali xulq-atvori uchun O‘zbekiston Yoshlar ittifoqi Jizzax viloyat kengashi rahbariyati tomonidan tashakkurnomalar topshirish jarayoni bilan boshlandi.
Seminarda Jizzax viloyati “Milliy bank » AJdan “Kelajakka qadam” dasturi ijrosiga mas’ul Oybek Abdullayev, O‘zbekiston Yoshlar ittifoqi Jizzax viloyat kengashi raisi Abdurahmon Rabbimov, “Yoshlar – kelajagimiz” jamg‘armasi Jizzax filiali rahbari Ismiyov Rajabov hamda hudud tadbirkorlari ishtirok etdilar.
Uchrashuvga, avvalo, tadbirkorlik faoliyatini boshlash istagida bo‘lgan bitiruvchi va bitiruvchi bosqich talabalari jalb qilindi.
Ishtirokchi talabalar o‘z biznes g‘oyalari, startap tashabbuslari va amaliy rejalari yuzasidan mas’ul idora va tashkilot vakillariga murojaat qilishdi. Mutaxassislar ularga qo‘shimcha imkoniyatlar, zarur hujjatlar, kredit olish tartiblari va tadbirkorlikni yo‘lga qo‘yish mexanizmlari bo‘yicha batafsil maslahatlar berishdi.
