Universitetning qishki ta’til davrida yoshlar masalalari va ma’naviy-ma’rifiy sohada tashkil etiladigan  chora-tadbirlar rejasiga muvofiq  Jizzax davlat pedagogika universitetida yoshlar bilan ishlash bo‘yicha dekan o‘rinbosarlari va tyutorlar faoliyatini rivojlantirish maqsadida seminar-trening tashkil etildi. Seminar-treningni Yoshlar masalalari va ma’naviy-ma’rifiy ishlar bo‘yicha birinchi prorektor S.Nazarqosimov ochib berdi. Seminarda asosan  “Odob-axloq kodeksi” mazmun-mohiyati, Kodeksni talabalarga to‘g‘ri targ‘ib qilish borasida yoshlar bilan ishlash bo‘yicha dekan o‘rinbosarlari va universitet tyutorlarining o‘rni xususida so‘z bordi. Shuningdek, axborot va muloqot soatlarini samarali tashkil etish, talaba yoshlar o‘rtasida psixologik so‘rovnomalar o‘tkazish to‘g‘risida fikrlar bildirildi. 3 kun davom etishi mo‘ljallangan seminarning birinchi kuni qizg‘in munozara va bahslarga boy bo‘ldi.