1993-yil 29-dekabr kuni O‘zbekiston Respublikasining Qonuniga binoan “14-yanvar — Vatan himoyachilari kuni” deb e’lon qilindi. Vatanni himoya qilish barcha uchun muqaddas burch hisoblanadi. Yurtimizda Vatan himoyasi kabi ulug‘vor ishga o‘zini bag‘ishlagan harbiylarimiz katta hurmat va e’zoz bilan qadrlanib, har yili “14-yanvar – Vatan himoyachilari kuni” katta bayram va shodiyona bilan o‘tkaziladi. Jizzax davlat pedagogika universitetida ana shu kun o‘zgacha nishonlandi. Tadbirga faxriy xarbiylar taklif etildi.
Tantanali bayram tadbirida so‘zga chiqqan universitet rektori bugungi kunda oliygohda faoliyat yuritayotgan bir guruh soha vakillarining Vatan oldidagi xizmatlari doimo yuqori baholanishini ta’kidlab, ularning kelgusidagi faoliyatiga ham kuch-quvvat, shijoat tiladi.
Tadbir so‘ngida ishtirokchilarga bayram sovg‘asi topshirildi. Universitet badiiy jamoasining chiqishlari tantanali shodinaga yanada fayz kiritdi desak xato qilmagan bo‘lamiz.
