JDPUga qarashli 1-2-sonli talabalar turar joyida “Milliy qadriyatlar sayli” o‘tkazildi.

Dastlab talaba yoshlar, xalqimizning asrlar davomida shakllangan o‘ziga xos va mos bo‘lgan urf-odatlari, madaniyati, milliy o‘yinlarini namoyon etishdi.

– Bugungi sayl, talablik yillarimizni eslatib yubordi, milliy qadriyatlarimizga asoslangan xalq o‘yinlari, turli badiiy dasturlarni tomosha qilish bilan birga jarayonda ishtirok ham etdik. Ruhlandik, zavqlandik, – deydi universitet rektori Shavkat Sharipov – Milliy qadriyatlarimiz, an’analarimiz farzandlarimiz, yoshlarimizning to‘g‘ri tarbiya topishiga, jismonan sog‘lom bo‘lib ulg‘ayishiga, ma’nan yetuk bo‘lishiga xizmat qiladi.

Sayilda talabalari tomonidan tayyorlangan turli dasturlar barchaga manzur bo‘ldi. Ayniqsa, arqon tortish, tosh ko‘tarish, besh tosh, chillak o‘yinlari, kelin salom, baxshi termalari, laparlar, sayil mehmonlariga o‘zgacha kayfiyat ulashdi.  Bir so‘z bilan aytganda, “Milliy qadriyatlar sayli”barchaga xushnudlik ulashdi.