Boshlang‘ich ta’lim fakultetida Milliy gvardiya Jizzax viloyati boshqarmasi xodimlari bilan birgalikda «Til-millat ko‘zgusi «mavzusida ma’naviy-ma’rifiy tadbir tashkil etildi.
Milliy til – xalqlar va millatlarning asosiy muloqot manbaidir. Til xalqlarni birlashtiradi, tarbiyalaydi, o‘qitadi, urf-odat, an’ana va madaniyatlarni saqlaydi, avloddan avlodga o‘tishini ta’minlaydi. Tilni sevish, ardoqlash, millatni sevish va uni qadrlash bilan teng hisoblanadi. Har qaysi xalqning turmush tarzi, urf-odatlari, madaniyati uning tilida o‘z ifodasini topadi.
Til – millat ko‘zgusi, deb bejiz aytishmagan. Xalqimizning necha asrlik boy tarixi, ko‘hna va serqirra madaniyati o‘zbek tili – ona tilimiz ta’sirida shakllangan. Tadbirda so‘zga chiqqanlar ona tilimizning go‘zalligi va jozibasi haqida batafsil ma’lumotlar berishdi. Bayramona o‘tkazilgan tadbir yakunida badiiy dastur namoyish etildi.
